المهندس معاذ الشعرواي: "تطوير التكنولوجيا يؤدي إلى الموت" ... البرمجة أسلوب متعدد الأهمية

 

 

* المهندس " معاذ شعراوى "  الخبير التكنولوجى " ماتوصلت إليه التكنولوجيا اليوم من تقدم أصبح بعض الناس يستخدمونها بشكل مرعب ومخيف، وأصبحت الحياة الخاصه للناس فى خطر فكيف نتعامل معها ، وما الإحتياطات اللازمة لكى نحمى أنفسنا منها ، وبدأنا بسؤاله:

    هل البرمجة أصبحت فعلاً بترول العصر ؟

بشكل كبير نقدر نقول اه مش البرمجة عموماً ، ولكن بشكل خاص الـ Data  ، و خصوصاً ال Data  بتاعة الناس هى " البترول الحقيقى ".

·         ماهى أكثر اللغات أهمية ، وأكثرها إستخدماً فى البرمجة؟

 اللغات  كتيرة ، أنا مثلاً شغال  تقريباً فوق العشرين سنة، إشتغلت بلغات كثيرة جداً، ومع التطور الحالى أصبح هناك العديد من اللغات المستخدمة ، والتى تختلف بإختلاف الفترة الزمنية ، وعلى حسب نوع application اللي محتاجين نعملها بيكون فى لغات بتتميز عن لغات آخرى في الموضوع ده، اللغات المشهورة حالياً عندنا طبعاً python ، ودى من الحاجات المهمه جداً في موضوع " الداتا و Ai ، وفى طبعاً java .net ، و سي شارب C#  دوول بردوا لغات موجودة ، وكمان "java script" مشهورة جداً فى الويب،  وفى "php" اللي إبتدت تختفى ، ويقل الإهتمام بيها ، ويقل استخداماتها فى استخدام "c,c++" دي من الحاجات النادرة جداً لكن من الحاجات العالية جداً فى الإستخدام فى لغات إتطورت  شوية زى الـ "java" طلع منها نسخه زى "Kotlin" وما إلى ذلك.

·        هل تنصح بتعلم لغه "c++"، وهل هي شديدة الصعوبة؟

من الأفضل أن الناس تشتغل بلغات بسيطة وسهلة، عشان تقدر تشتغل بيها ، وعشان كده بتلاقى أن معظم الناس اللي بتبدى تتعلم بننصحهم أنهم يستخدموا "Python" ؛ لأنها بسيطة ، وسهلة ، ومفيش فيها مشاكل،  وأن الناس تشتغل بيها ، وفى نفس الوقت بتحقق لهم اللى هما عايزينوا، لكن "c++"، هي language صعبه فى التعلم بتاعها، لكن بتدى concept كويسه جداً فى programming  لبعض الناس ، وبيتم استخدامها فى الجامعات أكتر من market ، أو الشغل الفعلى عشان يوصلوا للناس concept  بشكل قوى بالنسبة للأشخاص اللي هيتخصصوا فى المجال، لكن لو حد بيأخذ فكره عن الموضوع  " أنا أنصحه أنوا يشتغل بحاجه زي "Pyton" حاجات أسهل شوية.

·        ما هى المهارات المكتسبة من البرمجة؟

 الموضوع بإختصار بيرتبط "problem solving" مثل : " إزاى يقدر المبرمج  developer  يتنقل  من مرحلة إنه ينقل code لمرحلة حل المشاكل، وإنه يخترع حلول، وهذا مهم جداً جداً ، وبتفرق developer  عن developer  آخر، اللى هو إزاى يقدر يفكر فى المشكلة ، ويحط طرق حل المشكلة  ، ويتم ذلك بإستخدام   technic طرق حل المشكلات،  واللى دراستها مش حاجه ثابتة ، فأكتر حاجه بتخلى  developer  ، أو بيستفدها الناس اللى بتتعامل فى البرمجه هو " التفكير المنطقى"،  وحل المشاكل عموماً،  والناس developers ناس بتهتم بالتفاصيل جداً ؛ لأن أصغر تفصيله فى المشكله ممكن هى نقطه الحل.

·        ما هى نصيحتك الأساسية للمقدمين على تعلم البرمجة؟

 يبتدي يتعلم  الـprogramming  تتعلم النقط الأساسية منها ، ويبتدي يحل مشاكل كتير جداً ، ويرتب أفكار لحل المشاكل دى ، ويبتدى يحط algorithms ؛ لحل المشاكل ، ثم تبتدى تطبق اللي إتعلموا على مشاريع حتى ولو مش مشاريع مدفوعة ، أو مشاريع حقيقة، فبردوا الناس اللي بتتعامل مع البرمجة عشان متنساش يفضل إنه يبتدي يتعرف على برنامج حتى لو البرنامج ده موجود بالفعل، فاللى موجود حالياً ما هو إلا أشخاص بتشتغل على  "الداتا "، وبتبدي تطلع من الداتا دي معلومات مفيدة يقدروا يستفدوا فيها ، أو تقدر predict المستقبل ، أو predict التخيل الموجود لـ business عموماً ، ودي من الحاجات المهمة جداً جداً فى الداتا، وفي بداية الكلام قولتك أن البترول الحقيقى فى " الداتا " مش فى " البرمجه " فاللى هو فيما معناه أن أحنا دلوقتي بنشتغل في البرامج، فى حين أننا بنحاول نتوقع في business الـproduct الحقيقي المفروض يطلع، تخيلي مثلاً إننا بنتكلم عن حاجات تخص الأزياء ؛ فالمفروض إننا بنقول الموضه الحديثه لسنه (2022 ) في الصيف المفروض تكون بـألوان كذا ، وبـإستايلات كذا ، والكلام ده كله بناءاً على الداتا اللي بنبتدي نجمعها ، ونحصل عليها من الناس المتابعين علي السوشيال ميديا ، أو الناس الـcustomers  ، وطريقه شرائهم الموجودة في ماركة معينة ، أو ماركات معينة في السوق ، وبالتالى بنبتدى نجمع الكلام كله ، وبتطلع الداتا ، وهى اللى بتبقى مهمه business بمعنى أننا بنقول بمنتهى الصراحه أن product ده لو أنت عملته بشكل معين متوقع أنه يبيع أكثر فى وقت معين فى المنطقة الزمنية فى الفئه العمرية فى السوق المعين، فالشغل  الحقيقى الموجود ، واللى هيفضل مستمر فى الفترة الطويلة  استخدام الأشخاص للإنترنت أشبه للإدمان الآن ، والمقصود هنا جميع الفئات العمرية المختلفة ؛ بالأخص الاطفال.

·        هل الشركات المنتجة لنوعية ألعاب الأطفال هل هدافها الربح المادى أم السيطرة على عقولهم؟

بالتأكيد الربح المادى مفيش حاجه أسمها السيطرة على عقولهم محدش هيصرف ملايين عشان يسيطر على عقول حد بدون هدف ، وإن كان الهدف الأساسى اللى بعد كدة أن يتم جمع داتا للألعاب وفى بعض الحاجات اللى هى بتخدم على الموضوع اللى احنا بنتكلم عليه، وهى مش السيطرة على العقول كسيطرة فعليه ، ولكن توجيه المستخدمين أو توجيه الناس لفكرة معينة، فبالتالى أحنا بنبتدى نتجه للناس دى ، أو ألعاب معينه عشان نخلى الناس تشوف الموديل اللى أحنا عاوزينه اللى هو يتعرض في الموضوع كله فى الآخر هو " إستقطاب للقوة الشرائية ، وتوجيهه القوة الشرائية مش أكثر ، ولا أقل؛ لأن هى اللى بتبدى توجهه الناس لإختيار معين ، أو لقرار معين تقدرى بقى تسميه سيطرة على العقول تقدرى تقولى مؤامرة الموضوع مش كدة الموضوع فى الآخر ربح بحت، وفي الآخر الفكرة واحده لكن إستخدامها ، وتطبيقها هو دة اللى بيفرق.

المهندس : معاذ شعراوى

·        هل بيتم إختراق الواتساب ، وإختراق الموبايل ، وأخذ جميع ما عليه من صور ، ومكالمات؟

صعب جداً ؛ لأن مش آى حد يقدر يتوفرله التكنولوجى اللى تقدر تعمل حاجه زى كدة ، والموضوع بيبقى قوى جداً ، وإحنا بنتكلم على شركات إتصالات بتبقى عاملة حماية كافية جداً  ، ولكن بعض الناس ممكن تستخدام أجهزة معينة ، وبنعتبر ذلك إختراق للشبكات ، أو الدخول وسط شبكه معينه  . الموضوع مش بالبساطة اللى بنتكلم فيها ، وإن كان فى بعض الحالات حاجه اسمها zero day attack ثغره تم إكتشافها لكن الموضوع مش مقلق للدرجة أن بمكالمه تليفون هيتم الإختراق ، ولكن الأخطر من كده هو NFC، على سبيل المثال : " لو معاكى فيزا كارد ، أو ماستر كارد ، أو آى حاجه مالية هى شغاله NFC  فممكن بأجهزة معيتة يتم سحب الفلوس بمجرد أنك ماشيه كدة عادى، ودا حقيقى فعلياً؛ إنما بمكالمة تليفون يحصل إختراق صعب جداً ؛ لأن الموضوع محتاج أشخاص بروفيشنال، والأشخاص البروفيشنال مش هيضعوا وقتهم إنهم يخترقوا تلفونى ، أوتلفونك مثلاً.

·        بعض انتشار تركيب الصور على سوشيال ميديا ... هل يوجد طريقة لمعرفة طرق مراقبة الهاتف؟

 إختراق الأجهزة موجود بس خلينى أقولك أن (٩٥٪ ) من الناس اللي بيتم إختراقهم هما بيوافقوا ، أو هما اللى بياخدوا خطوة الإختراق الأول بإيديهم، بمعنى أن يتبعت رسالة مثلاً علي الواتس أو يتبعت رسالة فيها لينك على الsms ، أو يتبعت فيديو فايل ، أو يتبعت صورة ، أو يتبعت أبلكيشن ؛ لازم نشوف الابليكيشن ده كويس ، ونشوف  website  كويس ؛ لأن عندما ندخل على website  ، ولما بنحمل الفيديو ، أو لما بتنزل الصورة هناك ما يعرف backdoor وbackdoor  وهو برنامج بينزل علي application ، وبيفتح وسيلة إتصال مابين الجهاز  device ، ومابين الراجل اللى إخترق الجهاز، يعني الموضوع يمكن يوصل أنوا هو يبقي clone إستنساخ من جهازك على جهاز هو clone بمعنى الكلمة ، و clone يعنى هو  عارف جهازك دا فين ، وعارف الجهاز ده دلوقتي بيعمل إيه  آى مكالمة بتعمليها بيقدر يسمعها، آى حاجه بتوصلك بيشوفها ؛ بالإضافة إلى إنه بيقدر يسحب الميديا ، ويقدر يسحب الصور ، والكلام ده لا يقتصر على التليفون فقط ؛ بل على جميع الأجهزة ، فلو تم الإختراق تأكدى تماماً إن نسبه( ٩٩٪ ) جالك رسالة، أو حاجه من حد يكون من الأصدقاء جداً ، وممكن يكون هو كمان حصله إختراق ، وهو مش عارف.

·        هل يوجد برامج معينة للإنذار ... وكيف يتم معرفة رسائل الهكر؟

 لو جالك آي لينك فهو من هكر أكيد ؛ فلابد من تنزيل برنامج أنتى فيروس لحماية الجهاز ، وفى برامج كثيرة جداً  ،وذلك لحماية الموبايل ، والأجهزة من الإختراق ، والإبتزاز .