مجرد خواطر مش فاكرجاية منين وأمتي ؟؟!!!

بقلم : د/ عبد الرحمن شوقى

*فى ناس بتقابل فى حياتها حاجات كتير قوى* *صعبه* ..بتشوفوهم أقوياء وضحكتهم مش مفارقاهم  ، واحيانا من كتر حركتهم وجرأتهم تقولوا أيه دة ؟ جايبين الجرأه دة منين وأذاى قادرين يعملوا كدة وأذاى بيقدروا يشتغلوا بمليون روح رغم كل ظروفهم ..

*الناس دة فى الحقيقه بسيطة جدا وابسط طبطبه على كتفهم أو كلمه حلوة تتقال لهم بتفرحهم وتخليهم يشتغلوا ب 2 مليون روح بدل المليون* ، دايما هما مش عايزين حاجة مادية ولا عمرهم بيفكروا فيها ، هما بس محتاجين *رفع روحهم المعنويه* كنوع من التشجيع اللى يخليهم لسه عايشين *ميبقاش كله ضرب ضرب يعنى*، الناس دة لو بطلت حركة هتموت ومش قاصدة ابدا من حركتها حاجة الا انها تفضل عايشة وروحها المعنويه تفضل مرفوعه ، *أوعى تصدق انهم مش عايزين حد يسألهم عاملين أيه وحبايبكم عاملين أيه ؟ بالعكس بيبقوا فى اشد الحاجة لكدة ونفسهم يفضفضوا* بس مش بيعملوا كدة علشان عارفين ان كل واحد فيه اللى مكفيه ومش حلو يشيلوا اللى حواليهم هموهم ..رغم أنهم دايما ردهم اكلشية محفوظ ومؤمنين بيه وهو  *الحمد لله* صحيح مش هيحكوا كتير معاك فى ظروفهم بس محتاجين حد يسألهم ..الناس دة عمرها *ما بتجيب سيرة حد بحاجة قدام حد تانى سواء حلو او وحش إلا لما بتتسأل أو على سبيل الدعابه متناهيه الصغر فى الوقت والحديث  وترد بما يرضى الله وتدافع عن الوحش كمان وتلتمس له الأعذار  وفى الغالب محدش بيسألهم أصلا لأنهم عارفين ردودهم مسبقاً* ،  الناس دة لما بتحب بتخلص قوى وبتحب الناس كلها ونفسها تعملهم كل اللى يقدروا يعملوة علشان يفرحوا اللى حواليهم رغم أن دة ممكن يبقى على حسابهم او حساب علاقات تانيه مع ناس تانيه وممكن دة يخلى حد يتهمهم بتهم مش فيهم وانهم منافقين و .... و ..... رغم انكم لو جربتوا تطلبوا حاجة منهم هيعملوها بنفس الأخلاص ، *الناس دة ممكن تتخانق معاك النهاردة وتيجى بكرة تقولك صباح الخير عادى جدا لدرجة أنك تقول عليهم مجانين* ،  متضغطوش على الناس دة وحبوهم بجد ومحدش يستفزهم لأن دايما غضبهم بركان بيحرق اللى حواليهم من كتر كتمهم ، حافظوا على الناس دة ولو مش هتطبطبوا عليهم علشان هما مش محتاجين دة لأن ربنا بيقوم بالمهمة دة سبحانه وتعالى،

*ياريت متتعبوهومش ومتقفوش قدمهم وتتحدوهم كتير خصوصا فى حاله الغضب وأدعولهم عن ظهر الغيب ان ربنا يعينهم على اللى هما فيه أو سيبوهم فى حالهم أرجوكم*

وعلي رأي المثل *مشيانك حافي ولا تكركيكرك في الشلاليك*