"شوكولاتة بالقشطة" د: عبدالرحمن شوقي

 

 فيه ناس في حياتك بتحس إنهم زي آخر حتة في بسكوتة الآيس كريم المحشو بالشوكولاتة، الناس دول لازم تحافظ عليهم وتخلي بالك منهم قوي، لأنهم بيحبوك قوي.. الناس دول ممكن يكونوا مقدروش يحققوا لك كل اللي نفسك فيه بس صدقني هما حاولوا كتير قوي، واللي حققوه لك هو كل اللي يقدروا عليه، ولو كانوا يقدروا على أكتر منه كانوا من غير ما تطلب عملوه.. الناس دول ياما سهروا الليل وحرموا نفسهم علشانك، أظن عرفتهم من غير ما أقول لك، همَّا مين؟؟

عارف ليه عرفتهم؟ لأنهم هما الناس الوحيدين اللي كان نجاحك ليهم فرحة، وفشلك -لا قدَّر الله- حزن، انت تقدر تتجاوزه بس هما ميقدروش، الناس دول في أمسِّ الحاجة ليك لما يكبروا، فاوعى تخذلهم مهما حصل.

بسم الله الرحمن الرحيم «وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا، وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِى صَغِيرًا، رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأوَّابِينَ غَفُورًا» [25:23 الإسراء].

ربنا ما يحرمنا منهم أبدًا يا رب، واللي الناس دول عنده ماتوا فربنا يرحمهم يا رب ويُسكنهم الفردوس الأعلى. أبي الحبيب.. أمي الحبيبة أنا آسف لأني مهما عملت معاكم فأنا مُقصر تجاهكما.. ولنا عودة لو كان في العمر بقية.