* حسام الجندي لجريدة البداية : " اكتشف موهبتي الأستاذ احمد محفوظ في مسلسل اولاد وبنات"

 

ممثل مصري، ولد في عام 1981، بدأ العمل الفني منذ بداية الألفية الثالثة، وكثف جهوده في الدراما التليفزيونية، ومن مسلسلاته: (فارس الرومانسية، عائلة مجنونة جدًا، بشرى سارة، عبودة ماركة مسجلة، القاصرات)، كما عمل سينمائيًا في عدة افلام، هى (صعيدي رايح جاي، ليلة سقوط بغداد، بنتين من مصر، هجوم منتصف الليل) ، ومن أشهر أعماله: مملكه الغجر ، قهوة بورصة مصر ، يوم العرض ، هجوم منصف الليل ، يوسف المغربي ، وسألناه :

-         دائماً ما يكون هناك مكتشف للممثل منذ بدايته فمن الذي قام باكتشاف موهبتك؟

اتعرفت على نفسي من خلال مسرح الجامعه وبعد كدا اكتشف موهبتي الأستاذ احمد محفوظ في مسلسل اولاد وبنات لart  وأكد على كدا الأستاذ احمد النحاس ب٣ مسلسلات ورا بعض (الخبيئ - احلام هند الخشاب - الشيطان لا يعرف الحب)

-         كيف بدأ مشوارك الفني وماهي الخطوات التي قُمت بفعلها؟

الخطوات التى قمت بعملها ان أنا آمنت بنفسي وحاولت افرض نفسي على الوسط لحد ماعملت مسلسل "فارس الرومانسيه" كان ثالث مسلسل ليا كنت عملت مسلسلات قبل كدا وماتعرضتش اتاخرت في العرض إنما أول مسلسل يعرض ليا ويحقق نجاح كبير كان "قصه حياه الأديب يوسف السباعي " الحمد لله حققت منه نجاح كبير جدا  كان إخراج الأستاذ صفوت الكشميري وكنت عامل شخصيه يوسف السباعي ومن خلال الدور ده المنتجين والمخرجين اصبح عندهم ثقه فيا لاني بدأت اعمل أدوار تقيله.

-         ما السبب وراء أختفاء  حضرتك في المهرجانات السينمائية ؟

أنا ببقى خفيف شويه في الظهور ولما بحضر المهرجانات بيبقى بالعافيه لاني ببقى حابب المشاركه في العمل ده انما مابيحالفنيش الحظ ان أنا ابقى موجود في مهرجان القاهرة ودا اللي بيخليني مش موجود بشكل كبير أنا من النوع اللي بحاول دايما اختفى ماظهرش كتير.

-          ما أهم الأدوار اللي حضرتك قدمتها ؟

أنا حاسس ان الأدوار كلها اللي قدمتها المفروض كويسه وحاسس كل خطوه عملتها كانت يتقدملى حاجه كويسه أنا الناقله الحقيقيه اللى حصلتلى كانت نقلتين في مسلسل "رومان في الميزان" مع العبد جروب إخراج "جمال اسعد " في 2008 ودا عملي نقله حلوه اوى ومسلسل " القاصرات" في 2018 ودا عملى نقله كبيره خلى الناس بقيت تحبني ودا اللي اهلني اني اعمل مسلسل كبير زي "سلسال الدم ".

-         ما رأي حضرتك في الأعمال السينمائية الموجودة علي الساحة حالياً ؟

رأى في الأعمال السينمائيه الموجوده على الساحه ان فى انتعاش للسينما وبيعملوا افلام كويسه اوى ان كان "سنيرجي - استاذ جامي الخولى - زيد الكوردي" حتى الأفلام comertion اللى كنا بنشوفها بقت ليها معنى وبتقدم محتوى وصوره كويسه وإنتاج بشكل محترم وانا حاسس ان الفتره الجايه اكتر هتبقى فتره سينمائيه حتى المسلسلات دلوقتى ان كانت على شاهد او Netflix هى أقرب لأفلام سينما يوميه ان كان مسلسل مثلا (غرفه ٢٠٧ بتاع استاذ محمد بكير  واستاذ محمد فراج) دا أنا تابعته وكنت كل يوم اتفرج عليه فالسينما الفتره الجايه هيبقى ليها انتعاشه كبيره لان هي كمان بتقدم اقتصاد قوي.

-         مسلسل سلسال الدم كان من ضمن النجاح الاستثنائي للدراما الصعيدية لو الدور دا أتعرض علي حضرتك تاني في مسلسل مرتبط بالدراما الصعيدية هل حضرتك هتعيد التجربة ؟

بالطبع .. مسلسل سلسال الدم قدمني بشكل كبير لكن وقتها كان في دور تاني صعيدي في مسلسل البيت الكبير بس أنا ماوافقتش كنت علشان لسه خارج من دور صعيدي انما دلوقتى أنا وحشتنى الدراما الصعيدي يعني لو جالي عمل صعيدي هعمله علطول مش هتردد خصوصا ان دا بيعمل نسبه مشاهدة عاليه اوى فى الجنوب (الصعيد).

- كيف تتعامل مع ضغوط العمل والمواعيد ؟

لما بيبقى في وقت شغل وكتير أنا بعرف انسق دا كويس الواحد اتعود أنا بقالى ٢٢ سنه بمثل فاتعودت على ضغوط الشغل لما بيبقى في شغل وخصوصا ان شغلنا بيبقى كتير اوى وبيبقي عندنا أوقات فراغ اكتر الا في وقت seasonاو الشغل.

-         ممكن حضرتك تطلعنا على أعمالك الفنية القادمة ؟

أنا بحضر لفيلم سينما ان شاء الله بقالي عليه سنتين شغال وان شاء الله هيبقى مفاجأه علشان عايز اعمل نقله كويسه فى مشوارى الفنى .