إبراهيم السمان هو فنان ومخرج يحمل الجنسية المصرية ، تخرج من المعهد العالي للفنون المسرحية في عام 2010م ، ويستعد في الوقت الحالي لاكمال دراسات عليا في المجال ، انطلق في مسيرته الفنية من مسلسل اهل كايرو والذي حاز علي شهرة كبيرة داخل الوطن العربي ، كما شارك في فيلم اللعنة ، والمسلسل المصري الجماعة ، بالإضافة الي عدد من الأعمال الدرامية ، كما شارك في تقديم بعض اللوحات المسرحية منها مسافر يا ليل والذي لاقت رواجا عاليا بين المشاهدين . وسألناه :
دائما ما يكون هناك مكتشف للممثل منذ بدايته فمن الذي
قام باكتشاف موهبتك؟
مفيش حد معين اكتشفني أنا بدأت أمثل من وانا في ثانوى في مسرح المدرسه
وبعدين قدمت في معهد فنون مسرحيه واساتذتي في المعهد هما اللي قالوا إن أنا كويس
لكن مفيش شخص معين قالي أن انت كويس وانا من صغرى بحب التمثيل
ليه دخلت المسرح؟ ولما دخلت المسرح حسيت بأيه؟
دخلت المسرح لاني حبيت أن أنا ادخل المسرح بشكل احترافي ودا حصل بعد
الجامعه والحمد لله دخلت من القناه الشرعيه (المعهد العالي للفنون المسرحية
وأكاديمية الفنون).
أيه هدفك من دخولك المسرح؟ وياترى أنت داخل المسرح عشان
تكون علاقات وبس ولا علشان فعلاً أنت حابب المسرح؟
المسرح دا دراسه ومعايا دبلومه في الاخراج الدرامي يعني أثقلت الموهبه
بالدراسه ومعايا ماجستير في المسرح الغربي وبعمل دكتوراه في المسرح الفرنسى لو ما
كنتش حابب المسرح ماكنتش هكمل في المجال الأكاديمي .
ماهي أقرب الأعمال إلي قلبك ؟
برنامج (كريزي تاكسى)
ما أهم الأدوار اللي حضرتك قدمتها ؟
عملت اخر حاجه في مسلسل (اخر دور ) مع الفنانه دينا الشربيني وعملت
شخصيه مروان وكنت عامل شخصيه فارس في مسلسل (ربع قراط)في حكايه الا أنا مع ريهام
عبدالغفور دول اخر حاجتين كنت حاسس أنهم مختلفين شويه .
ممكن نعرف رأي حضرتك في الأعمال السينمائية الموجودة علي الساحة حالياً ؟
كل الناس بتجتهد علشان تطلع أحسن ما عندها علشان ترضي الناس بس في
حاجات بيتفق الناس فيها وحاجات لا .
0 تعليقات