الفنان متعدد المواهب حسن عيد على مائدة حوار البداية:
أنا صعيدي متمسك بقيم وعادات أهلينا في "جنا"
أعامل أبنائي كما عاملني والدي
أمارس لعبة التنس بعيدًا عن الفن..
حسن عيد هو فنان مصري متعدد المواهب، عُرف بإسهاماته في مجالات التمثيل والفن المسرحي والسينمائي. يتميز بقدرته على تجسيد الشخصيات بواقعية وإحساس عالٍ؛ ممَّا جعله واحدًا من الأسماء البارزة في المشهد الفني المصري. شارك في العديد من الأعمال الدرامية والسينمائية التي لاقت استحسان الجمهور والنقاد، واستطاع من خلالها أن يترك بصمة واضحة بفضل أدائه المميز وشغفه بالفن.
اشتهر حسن عيد بقدرته على تقديم أدوار متنوعة؛ ممَّا يعكس مرونته واحترافيته كممثل. وإلى جانب موهبته في التمثيل، لديه اهتمامات ثقافية وفنية أخرى ساهمت في تعزيز مكانته كفنان شامل ومبدع.
بداية نود الترحيب بالفنان حسن عيد معنا اليوم والسماح لنا بإجراء هذا الحوار الحصري لجريدة البداية التي تصدر عن قسم الإعلام التربوي بكلية التربية النوعية ــ جامعة عين شمس.
>كيف أثرت نشأتك في عائلتك على قرارك بدخولك مجال التمثيل؟
>>كنت عاوز أدخل مجال التمثيل بعد الثانوية العامة، لكني وجدت رفضًا من العائلة؛ بسبب إني لازم يكون في شهادة ومجال التمثيل ملوش مستقبل، وطبعًا كان عندهم حق وفي نفس الوقت مقدرش إنك تمنع ابني عن الهواية اللي هو بيحبها، لكن في نفس الوقت يبقا في مجال لأن مهنة التمثيل لازم يبقى معاها شغل تاني طبعًا حتى لو حصل مع ابني، لازم أعمل نفس اللي عمله معايا أبويا وهرفض دخوله التمثيل إلا بشهادة وجامعة ومجال جنب التمثيل نفسه كمان.
>ما هي القيم والمبادئ التي تربيت عليها والتي تعكسها في شخصيتك اليوم؟
>>طبعًا في قيم ومبادئ اتربيت عليها وخصوصًا أنني أصلا صعيدي ومن قنا، بس للأسف مرحتش قنا غير مرة واحدة وأنا بصور مسلسل مع عمرو سعد، فعندنا طبعًا قيم ومبادئ تانية خالص للجذور المصرية الأصيلة اللي من الصعيد، وعندنا تقاليد صلة الرحم دى لازم والاحترام المتبادل بين الأصدقاء والأهل.
>كيف تحافظ على التوازن بين حياتك الشخصية وضغوطات العمل في مجال الفن؟
>>يعتبر الفنان عمومًا اللي شغال في مهنة التمثيل دا عاوز واحد زي سوبر مان عنده قوة خارقة؛ لأنه ممكن الإنسان عنده مشاكل في حياته، عنده حد مريض أو حصلتله ظروف وفاة الضغوطات اليومية اللي عندنا يحمل مسئولية الأسرة والحاجات دي، وفي نفس الوقت ترتيبات العمل ومهنة التمثيل مش مهنة هقوم الصبح أروح الشغل وخلاص، لا، عاوزه تجهيزات، وعاوزه أداة، وعاوزه مذاكرة قبل العمل بشهر بيبقى قافل على نفسك وبرتب الشخصية بالزمان واللبس كل دا لازم يبقى في جو رايق دماغ رايقه لكن طبعًا يحاول التوازن بين الحاجتين..
>ما الأنشطة التي تمارسها في أوقات فراغك بعيدًا عن التمثيل؟
>>من الأنشطة اللي بحبها لعبة التنس بحبها جدًّا، يعني مثلًا لو فاضي مش بعمل حاجة، ممكن أروح ألعب كرة قدم أو تنس، ممكن أتفرج على أفلام أجنبية، إسبانية، أو أمريكية، أو كورية، هوايتي أتفرج على مسلسل أو فيلم الناس بتتكلم عليه مثلًا، أو فيلم محقق حاجة هتفيدني مش أي فيلم وخلاص.
0 تعليقات